De Rerum Natura

Lucretius

-

  1. nec simili Venere ardescunt nec moribus unis
  2. conveniunt neque sunt eadem iucunda per artus.
  3. quippe videre licet pinguescere saepe cicuta
  4. barbigeras pecudes, homini quae est acre venenum.
  5. flamma quidem vero cum corpora fulva leonum
  6. tam soleat torrere atque urere quam genus omne
  7. visceris in terris quod cumque et sanguinis extet,
  8. qui fieri potuit, triplici cum corpore ut una,
  9. prima leo, postrema draco, media ipsa, Chimaera
  10. ore foras acrem flaret de corpore flammam?
  11. quare etiam tellure nova caeloque recenti
  12. talia qui fingit potuisse animalia gigni,
  13. nixus in hoc uno novitatis nomine inani,
  14. multa licet simili ratione effutiat ore,
  15. aurea tum dicat per terras flumina vulgo
  16. fluxisse et gemmis florere arbusta
  17. aut hominem tanto membrorum esse impete natum,