De Rerum Natura

Lucretius

-

  1. raucisonos cantus, cornicum ut saecla vetusta
  2. corvorumque gregis ubi aquam dicuntur et imbris
  3. poscere et inter dum ventos aurasque vocare.
  4. ergo si varii sensus animalia cogunt,
  5. muta tamen cum sint, varias emittere voces,
  6. quanto mortalis magis aequumst tum potuisse
  7. dissimilis alia atque alia res voce notare!
  8. Illud in his rebus tacitus ne forte requiras,
  9. fulmen detulit in terram mortalibus ignem
  10. primitus, inde omnis flammarum diditur ardor;
  11. multa videmus enim caelestibus insita flammis
  12. fulgere, cum caeli donavit plaga vaporis.
  13. et ramosa tamen cum ventis pulsa vacillans
  14. aestuat in ramos incumbens arboris arbor,
  15. exprimitur validis extritus viribus ignis,
  16. emicat inter dum flammai fervidus ardor,
  17. mutua dum inter se rami stirpesque teruntur.