De Rerum Natura

Lucretius

-

  1. nubes esse queunt nec pisces vivere in arvis
  2. nec cruor in lignis neque saxis sucus inesse.
  3. certum ac dispositumst ubi quicquid crescat et insit.
  4. sic animi natura nequit sine corpore oriri
  5. sola neque a nervis et sanguine longius esse.
  6. quod si posset enim, multo prius ipsa animi vis
  7. in capite aut umeris aut imis calcibus esse
  8. posset et innasci quavis in parte soleret,
  9. tandem in eodem homine atque in eodem vase manere.
  10. quod quoniam nostro quoque constat corpore certum
  11. dispositumque videtur ubi esse et crescere possit
  12. sorsum anima atque animus, tanto magis infitiandum
  13. totum posse extra corpus durare genique.
  14. quare, corpus ubi interiit, periisse necessest
  15. confiteare animam distractam in corpore toto.
  16. quippe etenim mortale aeterno iungere et una
  17. consentire putare et fungi mutua posse
  18. desiperest; quid enim diversius esse putandumst
  19. aut magis inter se disiunctum discrepitansque,
  20. quam mortale quod est inmortali atque perenni