De Rerum Natura

Lucretius

-

  1. non tam se moriens dissolvi conquereretur,
  2. sed magis ire foras vestemque relinquere, ut anguis.
  3. Denique cur animi numquam mens consiliumque
  4. gignitur in capite aut pedibus manibusve, sed unis
  5. sedibus et certis regionibus omnibus haeret,
  6. si non certa loca ad nascendum reddita cuique
  7. sunt, et ubi quicquid possit durare creatum
  8. atque ita multimodis partitis artubus esse,
  9. membrorum ut numquam existat praeposterus ordo?
  10. usque adeo sequitur res rem, neque flamma creari
  11. fluminibus solitast neque in igni gignier algor.
  12. Praeterea si inmortalis natura animaist
  13. et sentire potest secreta a corpore nostro,
  14. quinque, ut opinor, eam faciundum est sensibus auctam.
  15. nec ratione alia nosmet proponere nobis
  16. possumus infernas animas Acherunte vagare.
  17. pictores itaque et scriptorum saecla priora
  18. sic animas intro duxerunt sensibus auctas.