De Rerum Natura

Lucretius

-

  1. noenu potest. igitur parvissima corpora pro quam
  2. et levissima sunt, ita mobilitate fruuntur;
  3. at contra quae cumque magis cum pondere magno
  4. asperaque inveniuntur, eo stabilita magis sunt.
  5. nunc igitur quoniamst animi natura reperta
  6. mobilis egregie, perquam constare necessest
  7. corporibus parvis et levibus atque rutundis.
  8. quae tibi cognita res in multis, o bone, rebus
  9. utilis invenietur et opportuna cluebit.
  10. Haec quoque res etiam naturam dedicat eius,
  11. quam tenui constet textura quamque loco se
  12. contineat parvo, si possit conglomerari,
  13. quod simul atque hominem leti secura quies est
  14. indepta atque animi natura animaeque recessit,
  15. nil ibi libatum de toto corpore cernas
  16. ad speciem, nihil ad pondus: mors omnia praestat,
  17. vitalem praeter sensum calidumque vaporem.
  18. ergo animam totam perparvis esse necessest