De Rerum Natura

Lucretius

-

  1. et lacrimis salsis umectent ora genasque.
  2. Nunc age, quod super est, cognosce et clarius audi.
  3. nec me animi fallit quam sint obscura; sed acri
  4. percussit thyrso laudis spes magna meum cor
  5. et simul incussit suavem mi in pectus amorem
  6. Musarum, quo nunc instinctus mente vigenti
  7. avia Pieridum peragro loca nullius ante
  8. trita solo. iuvat integros accedere fontis
  9. atque haurire iuvatque novos decerpere flores
  10. insignemque meo capiti petere inde coronam,
  11. unde prius nulli velarint tempora Musae;
  12. primum quod magnis doceo de rebus et artis
  13. religionum animum nodis exsolvere pergo,
  14. deinde quod obscura de re tam lucida pango
  15. carmina musaeo contingens cuncta lepore.
  16. id quoque enim non ab nulla ratione videtur;
  17. sed vel uti pueris absinthia taetra medentes
  18. cum dare conantur, prius oras pocula circum