De Rerum Natura

Lucretius

-

  1. hac ratione tibi pereunt primordia rerum:
  2. fiet uti risu tremulo concussa cachinnent
  3. et lacrimis salsis umectent ora genasque.
  4. Nunc age, quod super est, cognosce et clarius audi.
  5. nec me animi fallit quam sint obscura; sed acri
  6. percussit thyrso laudis spes magna meum cor
  7. et simul incussit suavem mi in pectus amorem
  8. Musarum, quo nunc instinctus mente vigenti
  9. avia Pieridum peragro loca nullius ante
  10. trita solo. iuvat integros accedere fontis
  11. atque haurire iuvatque novos decerpere flores
  12. insignemque meo capiti petere inde coronam,
  13. unde prius nulli velarint tempora Musae;
  14. primum quod magnis doceo de rebus et artis
  15. religionum animum nodis exsolvere pergo,
  16. deinde quod obscura de re tam lucida pango
  17. carmina musaeo contingens cuncta lepore.
  18. id quoque enim non ab nulla ratione videtur;
  19. sed vel uti pueris absinthia taetra medentes
  20. cum dare conantur, prius oras pocula circum