De Rerum Natura

Lucretius

-

  1. efficis ut cupide generatim saecla propagent.
  2. quae quoniam rerum naturam sola gubernas
  3. nec sine te quicquam dias in luminis oras
  4. exoritur neque fit laetum neque amabile quicquam,
  5. te sociam studeo scribendis versibus esse,
  6. quos ego de rerum natura pangere conor
  7. Memmiadae nostro, quem tu, dea, tempore in omni
  8. omnibus ornatum voluisti excellere rebus.
  9. quo magis aeternum da dictis, diva, leporem.
  10. effice ut interea fera moenera militiai
  11. per maria ac terras omnis sopita quiescant;
  12. nam tu sola potes tranquilla pace iuvare
  13. mortalis, quoniam belli fera moenera Mavors
  14. armipotens regit, in gremium qui saepe tuum se
  15. reiicit aeterno devictus vulnere amoris,
  16. atque ita suspiciens tereti cervice reposta
  17. pascit amore avidos inhians in te, dea, visus
  18. eque tuo pendet resupini spiritus ore.
  19. hunc tu, diva, tuo recubantem corpore sancto