Letters to Atticus

L. quidem Caesar, cum ad eum aegrotum Neapolim

venissem, quamquam erat oppressus totius corporis doloribus, tamen ante quam me plane salutavit,

o mi Cicero

inquit

gratulor tibi cum tantum vales apud Dolabellam quantum si ego apud sororis filium valerem, iam salvi esse possemus. Dolabellae vero tuo et gratulor et gratias ago, quem quidem post te consulem solum possumus vere consulem dicere.

deinde multa de facto ac de re gesta tua; nihil magnificentius, nihil praeclarius actum umquam, nihil rei publicae salutarius. atque haec una vox omnium est.