Academica

Cicero, Marcus Tullius

Cicero. M. Tulli Ciceronis. Scripta Quae Manserunt Omnia. Plasberg, Otto, editor. Leipzig: Teubner, 1908.

Haec forma[*](forma om. *d ) erat illis prima, a Platone tradita; cuius quas acceperim dissupationes[*](dissupationes Bai. disputat- *g*d ) si vultis exponam.'

Nos vero volumus
inquam,
ut pro Attico etiam respondeam.

[*](ATT.)

Et recte quidem[*](quidem om. *d )
inquit
respondes; praeclare enim explicatur Peripateticorum et Academiae veteris auctoritas.

[*](VA.) “Aristoteles igitur[*](igitur om. *d ) primus species quas paulo ante dixi labefactavit, quas mirifice Plato erat amplexatus,[*](quas ... erat amplexatus pars codicum Non. p. 470 ) ut in iis quiddam divinum esse diceret. Theophrastus autem, vir et oratione suavis et ita moratus ut prae se probitatem quandam et ingenuitatem ferat,[*](ferret Ern. ) vehementius etiam fregit quodam modo auctoritatem veteris disciplinae; spoliavit enim virtutem suo decore imbecillamque reddidit, quod negavit in ea sola positum esse beate vivere.

Nam Strato eius auditor quamquam fuit acri ingenio tamen ab ea

p.15
disciplina omnino semovendus est; qui cum maxime necessariam partem philosophiae, quae posita est in virtute et in[*](in om. mgf ) moribus, reliquisset totumque se ad investigationem naturae contulisset, in ea ipsa plurimum dissedit a suis. Speusippus autem et Xenocrates, qui primi Platonis rationem auctoritatemque susceperant, et post eos Polemo[*](Polemon *g ) et Crates unaque Crantor[*](Cranto p 2 wg 2 Cratero g 1 Crator *g*d ) in Academia congregati diligenter ea[*](eis px ) quae a superioribus acceperant tuebantur.[*](utebantur *d ) Iam Polemonem audiverant assidue Zeno et Arcesilas.[*](Archesilaus x )

sed Zeno, cum Arcesilam[*](Archesilaum p 1 w ) anteiret aetate valdeque subtiliter dissereret et peracute moveretur, corrigere conatus est disciplinam. eam quoque si videtur correctionem explicabo, sicut solebat Antiochus.”

Mihi vero
inquam
videtur, quod vides idem significare Pomponium.

[*](VA.) 'Zeno igitur nullo modo is erat qui ut Theophrastus nervos[*](neruis p ) virtutis inciderit,[*](incideret s Lb. -rent n ) sed contra qui omnia quaeque [*](om.s quaecumque Reid ) ad beatam vitam pertinerent in una virtute poneret nec quicquam aliud numeraret in bonis idque appellaret honestum quod esset simplex quoddam et solum et unum bonum.

cetera[*](omissa turpitudo) autem etsi nec bona nec mala essent tamen alia secundum naturam dicebat alia naturae esse contraria; his ipsis alia interiecta et media numerabat. quae autem secundum naturam essent ea sumenda et quadam aestimatione dignanda[*](dignando p 1?*g ) docebat,[*](dicebat Lb. ) contraque contraria; neutra autem in mediis relinquebat, in quibus ponebat nihil omnino esse momenti.