Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. quam circumcursans hinc illinc saepe Cupido
  2. fulgebat crocina candidus in tunica.
  3. quae tamenetsi uno non est contenta Catullo,
  4. rara verecundae furta feremus erae,
  5. ne nimium simus stultorum more molesti:
  6. saepe etiam Iuno, maxima caelicolum,
  7. coniugis in culpa flagrantem concoquit iram
  8. noscens omnivoli plurima furta Iovis.
  9. atqui nec divis homines componier aequum est
  10. ---ingratum tremuli tolle parentis onus.
  11. nec tamen illa mihi dextra deducta paterna
  12. fragrantem Assyrio venit odore domum,
  13. sed furtiva dedit mira munuscula nocte
  14. ipsius ex ipso dempta viri gremio.
  15. quare illud satis est, si nobis is datur unis
  16. quem lapide illa diem candidiore notat.
  17. hoc tibi quod potui confectum carmine munus
  18. pro multis, Alli, redditur officiis,
  19. ne vestrum scabra tangat robigine nomen