Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. non flavo retinens subtilem vertice mitram,
  2. non contecta levi velatum pectus amictu,
  3. non tereti strophio lactentis vincta papillas,
  4. omnia quae toto delapsa e corpore passim
  5. ipsius ante pedes fluctus salis adludebant.
  6. sic neque tum mitrae neque tum fluitantis amictus
  7. illa vicem curans toto ex te pectore, Theseu,
  8. toto animo, tota pendebat perdita mente.
  9. ah misera, adsiduis quam luctibus exsternavit
  10. spinosas Erycina serens in pectore curas
  11. illa tempestate, ferox quo ex tempore Theseus
  12. egressus curvis e litoribus Piraei
  13. attigit iniusti regis Gortynia tecta.
  14. nam perhibent olim crudeli peste coactam
  15. Androgeoneae poenas exsolvere caedis