Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. optavit genitor primaevi funera nati
  2. Liber ut innuptae poteretur flore novercae,
  3. ignaro mater substernens se impia nato
  4. impia non verita est divos scelerare parentes,
  5. omnia fanda nefanda malo permixta furore
  6. iustificam nobis mentem avertere deorum.
  7. quare nec talis dignantur visere coetus
  8. nec se contingi patiuntur lumine claro.
  1. Etsi me adsiduo defectum cura dolore
  2. sevocat a doctis, Ortale, virginibus,
  3. nec potis est dulcis Musarum expromere fetus
  4. mens animi: tantis fluctuat ipsa malis,—