Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. perfudere manus fraterno sanguine fratres,
  2. destitit exstinctos natus lugere parentes,
  3. optavit genitor primaevi funera nati
  4. Liber ut innuptae poteretur flore novercae,
  5. ignaro mater substernens se impia nato
  6. impia non verita est divos scelerare parentes,
  7. omnia fanda nefanda malo permixta furore
  8. iustificam nobis mentem avertere deorum.
  9. quare nec talis dignantur visere coetus
  10. nec se contingi patiuntur lumine claro.
  1. Etsi me adsiduo defectum cura dolore
  2. sevocat a doctis, Ortale, virginibus,
  3. nec potis est dulcis Musarum expromere fetus
  4. mens animi: tantis fluctuat ipsa malis,—
  5. namque mei nuper Lethaeo gurgite fratris
  6. pallidulum manans adluit unda pedem,
  7. Troia Rhoeteo quem subter litore tellus