Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. anxia nec mater discordis maesta puellae
  2. secubitu caros mittet sperare nepotes.
  3. currite ducentes subtegmina, currite, fusi.”
  4. talia praefantes quondam felicia Pelei
  5. carmina divino cecinerunt pectore Parcae.
  6. praesentes namque ante domos invisere castas
  7. heroum et sese mortali ostendere coetu
  8. caelicolae nondum spreta pietate solebant.
  9. saepe pater divum templo in fulgente, revisens
  10. annua cum festis venissent sacra diebus,
  11. conspexit terra centum procumbere tauros.