Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. Troiugenum infesto prosternet corpora ferro.
  2. currite ducentes subtegmina, currite, fusi.
  3. testis erit magnis virtutibus unda Scamandri,
  4. quae passim rapido diffunditur Hellesponto,
  5. cuius iter caesis angustans corporum acervis
  6. alta tepefaciet permixta flumina caede.
  7. currite ducentes subtegmina, currite, fusi.
  8. denique testis erit morti quoque reddita praeda
  9. cum teres excelso coacervatum aggere bustum
  10. excipiet niveos percussae virginis artus.
  11. Currite ducentes subtegmina, currite, fusi.
  12. nam simul ac fessis dederit fors copiam Achivis
  13. urbis Dardaniae Neptunia solvere vincla,
  14. alta Polyxenia madefient caede sepulcra,