Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. hostibus haud tergo, sed forti pectore notus,
  2. qui persaepe vago victor certamine cursus
  3. flammea praevertet celeris vestigia cervae.
  4. currite ducentes subtegmina, currite, fusi.
  5. non illi quisquam bello se conferet heros,
  6. cum Phrygii Teucro manabunt sanguine campi
  7. Troicaque obsidens longinquo moenia bello
  8. periuri Pelopis vastabit tertius heres.
  9. currite ducentes subtegmina, currite, fusi.
  10. illius egregias virtutes claraque facta
  11. saepe fatebuntur gnatorum in funere matres,
  12. cum incultum cano solvent a vertice crinem