Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. aurora exoriente vagi sub limina solis,
  2. quae tarde primum clementi flamine pulsae
  3. procedunt, leviterque sonant plangore cachinni,
  4. post vento crescente magis magis increbescunt
  5. purpureaque procul nantes ab luce refulgent,
  6. sic tum vestibuli linquentes regia tecta
  7. ad se quisque vago passim pede discedebant.
  8. quorum post abitum princeps e vertice Peli
  9. advenit Chiron portans silvestria dona:
  10. nam quoscumque ferunt campi, quos Thessala magnis
  11. montibus ora creat, quos propter fluminis undas
  12. aura parit flores tepidi fecunda Favoni,
  13. hos indistinctis plexos tulit ipse corollis,
  14. quo permulsa domus iucundo risit odore.