Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. quod enim genus figurae est ego non quod obierim?
  2. ego mulier, ego adulescens, ego ephebus, ego puer,
  3. ego gymnasi fui flos, ego eram decus olei:
  4. mihi ianuae frequentes, mihi limina tepida,
  5. mihi floridis corollis redimita domus erat,
  6. linquendum ubi esset orto mihi sole cubiculum.
  7. ego nunc deum ministra et Cybeles famula ferar?
  8. ego maenas, ego mei pars, ego vir sterilis ero?