Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  • tertia pars patri, pars est data tertia matri,
  • tertia sola tua est. noli pugnare duobus,
  • qui genero sua iura simul cum dote dederunt.
  • Hymen o Hymenaee, Hymen ades o Hymenaee.
    1. Super alta vectus Attis celeri rate maria
    2. Phrygium ut nemus citato cupide pede tetigit
    3. adiitque opaca silvis redimita loca deae,
    4. stimulatus ibi furenti rabie, vagus animis
    5. devolvit ili acuto sibi pondera silice.
    6. itaque ut relicta sensit sibi membra sine viro,
    7. etiam recente terrae sola sanguine maculans
    8. niveis citata cepit manibus leve typanum,
    9. typanum, tubam Cybelles, tua, mater, initia,