Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. deinde usque altera mille, deinde centum,
  2. dein, cum milia multa fecerimus,
  3. conturbabimus illa, ne sciamus,
  4. aut ne quis malus invidere possit,
  5. cum tantum sciat esse basiorum.
  1. Flavi, delicias tuas Catullo,
  2. ni sint inlepidae atque inelegantes,
  3. velles dicere, nec tacere posses.
  4. verum nescio quid febriculosi
  5. scorti diligis: hoc pudet fateri.
  6. nam te non viduas iacere noctes
  7. nequiquam tacitum cubile clamat
  8. sertis ac Syrio fragrans olivo,
  9. pulvinusque peraeque et hic et ille