Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. nobis, cum semel occidit brevis lux,
  2. nox est perpetua una dormienda.
  3. da mi basia mille, deinde centum,
  4. dein mille altera, dein secunda centum,
  5. deinde usque altera mille, deinde centum,
  6. dein, cum milia multa fecerimus,
  7. conturbabimus illa, ne sciamus,
  8. aut ne quis malus invidere possit,
  9. cum tantum sciat esse basiorum.
  1. Flavi, delicias tuas Catullo,
  2. ni sint inlepidae atque inelegantes,
  3. velles dicere, nec tacere posses.
  4. verum nescio quid febriculosi
  5. scorti diligis: hoc pudet fateri.
  6. nam te non viduas iacere noctes
  7. nequiquam tacitum cubile clamat