Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. dentem atque russam defricare gingivam,
  2. ut quo iste vester expolitior dens est,
  3. hoc te amplius bibisse praedicet loti.
  1. Quaenam te mala mens, miselle Ravide,
  2. agit praecipitem in meos iambos?
  3. quis deus tibi non bene advocatus
  4. vecordem parat excitare rixam?
  5. an ut pervenias in ora vulgi?
  6. quid vis? qua libet esse notus optas?
  7. eris, quandoquidem meos amores
  8. cum longa voluisti amare poena.
  1. Ameana puella defututa
  2. tota milia me decem poposcit,
  3. ista turpiculo puella naso,
  4. decoctoris amica Formiani.