Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. quamvis candida milies puella
  2. euntem revocet manusque collo
  3. ambas iniciens roget morari,
  4. quae nunc, si mihi vera nuntiantur,
  5. illum deperit impotente amore:
  6. nam quo tempore legit incohatam
  7. Dindymi dominam, ex eo misellae
  8. ignes interiorem edunt medullam.
  9. ignosco tibi, Sapphica puella
  10. Musa doctior: est enim venuste
  11. Magna Caecilio incohata Mater.
  1. Annales Volusi, cacata charta,
  2. votum solvite pro mea puella:
  3. nam sanctae Veneri Cupidinique
  4. vovit, si sibi restitutus essem
  5. desissemque truces vibrare iambos,
  6. electissima pessimi poetae
  7. scripta tardipedi deo daturam
  8. infelicibus ustilanda lignis.