Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. passer mortuus est meae puellae,
  2. passer, deliciae meae puellae,
  3. quem plus illa oculis suis amabat;
  4. nam mellitus erat, suamque norat
  5. ipsa tam bene quam puella matrem,
  6. nec sese a gremio illius movebat,
  7. sed circumsiliens modo huc modo illuc
  8. ad solam dominam usque pipiabat.
  9. qui nunc it per iter tenebricosum
  10. illuc unde negant redire quemquam.