Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. quid rerum geritis? Satisne cum isto
  2. vappa frigoraque et famem tulistis?
  3. ecquidnam in tabulis patet lucelli
  4. expensum, ut mihi, qui meum secutus
  5. praetorem refero datum lucello,
  6. “o Memmi, bene me ac diu supinum
  7. tota ista trabe lentus irrumasti.”
  8. sed, quantum video, pari fuistis
  9. casu: nam nihilo minore verpa
  10. farti estis. pete nobiles amicos.
  11. at vobis mala multa di deaeque
  12. dent, opprobria Romuli Remique.
  1. Quis hoc potest videre, quis potest pati,
  2. nisi impudicus et vorax et aleo,
  3. Mamurram habere quod comata Gallia
  4. habebat ante et ultima Britannia?
  5. Cinaede Romule, haec videbis et feres?
  6. et ille nunc superbus et superfluens
  7. perambulabit omnium cubilia
  8. ut albulus columbus aut Adoneus?