Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. inepte, quae palam soles habere tanquam avita.
  2. quae nunc tuis ab unguibus reglutina et remitte,
  3. ne laneum latusculum manusque mollicellas
  4. inusta turpiter tibi flagella conscribillent,
  5. et insolenter aestues velut minuta magno
  6. deprensa navis in mari vesaniente vento.
  1. Furi, villula vestra non ad Austri
  2. flatus opposita est neque ad Favoni
  3. nec saevi Boreae aut Apeliotae,
  4. verum ad milia quindecim et ducentos.
  5. o ventum horribilem atque pestilentem!
  1. Minister vetuli puer Falerni
  2. inger mi calices amariores,
  3. ut lex Postumiae iubet magistrae,
  4. ebrioso acino ebriosioris.
  5. at vos quo libet hinc abite, lymphae,
  6. vini pernicies, et ad severos
  7. migrate: hic merus est Thyonianus.
  1. Pisonis comites, cohors inanis
  2. aptis sarcinulis et expeditis,
  3. Verani optime tuque mi Fabulle,
  4. quid rerum geritis? Satisne cum isto
  5. vappa frigoraque et famem tulistis?
  6. ecquidnam in tabulis patet lucelli
  7. expensum, ut mihi, qui meum secutus
  8. praetorem refero datum lucello,
  9. “o Memmi, bene me ac diu supinum
  10. tota ista trabe lentus irrumasti.”
  11. sed, quantum video, pari fuistis