Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. relata: chartae regiae, novi libri,
  2. novi umbilici, lora, rubra membrana,
  3. derecta plumbo et pumice omnia aequata.
  4. haec cum legas tu, bellus ille et urbanus
  5. Suffenus unus caprimulgus aut fossor
  6. rursus videtur: tantum abhorret ac mutat.
  7. hoc quid putemus esse? Qui modo scurra
  8. aut si quid hac re tritius videbatur,
  9. idem infaceto est infacetior rure
  10. simul poemata attigit, neque idem unquam
  11. aeque est beatus ac poema cum scribit:
  12. tam gaudet in se tamque se ipse miratur.
  13. nimirum idem omnes fallimur, neque est quisquam
  14. quem non in aliqua re videre Suffenum
  15. possis. Suus cuique attributus est error,