Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. ---Tam gratum est mihi quam ferunt puellae
  2. pernici aureolum fuisse malum,
  3. quod zonam solvit diu ligatam.
  1. Lugete, o Veneres Cupidinesque
  2. et quantum est hominum venustiorum!
  3. passer mortuus est meae puellae,
  4. passer, deliciae meae puellae,
  5. quem plus illa oculis suis amabat;
  6. nam mellitus erat, suamque norat
  7. ipsa tam bene quam puella matrem,
  8. nec sese a gremio illius movebat,
  9. sed circumsiliens modo huc modo illuc
  10. ad solam dominam usque pipiabat.
  11. qui nunc it per iter tenebricosum