Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. sed contra accipies meros amores
  2. seu quid suavius elegantiusve est:
  3. nam unguentum dabo, quod meae puellae
  4. donarunt Veneres Cupidinesque,
  5. quod tu cum olfacies, deos rogabis
  6. totum ut te faciant, Fabulle, nasum.
  1. Ni te plus oculis meis amarem,
  2. iucundissime Calve, munere isto
  3. odissem te odio Vatiniano:
  4. nam quid feci ego quidve sum locutus,
  5. cur me tot male perderes poetis?
  6. isti di mala multa dent clienti
  7. qui tantum tibi misit impiorum.
  8. quod si, ut suspicor, hoc novum ac repertum