Gallic War

id esse facile, quod equitatu ipsi abundent et quod anni tempore subleventur;

pabulum secari non posse; necessario dispersos hostes ex aedificiis petere: hos omnes cotidie ab equitibus deligi posse.

Praeterea salutis causa rei familiaris commoda neglegenda: vicos atque aedificia incendi oportere hoc spatio ab via quoque versus, quo pabulandi causa adire posse videantur. Harum ipsis rerum copiam suppetere,

quod, quorum in finibus bellum geratur, eorum opibus subleventur:

Romanos aut inopiam non laturos aut magno periculo longius ab castris processuros;

neque interesse, ipsosne interficiant, impedimentisne exuant, quibus amissis bellum geri non possit.