Mostellaria

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Iamiam ------
Tr.
  1. Optime.
  2. praeceptis paruisti.
Pver.
  1. Iussit maximo
  2. opere orare, ut patrem aliquo absterreres modo,
  3. ne intro iret ad se.
Tr.
  1. Quin etiam illi hoc dicito,
  2. facturum me, ut ne etiam aspicere aedis audeat,
  3. capite obvoluto ut fugiat cum summo metu.
  4. clavem cedo atque abi intro atque occlude ostium,
  5. et ego hinc occludam.—iube venire nunciam.
  6. ludos ego hodie vivo praesenti hic seni
  7. faciam, quod credo mortuo numquam fore.
  8. concedam a foribus huc, hinc speculabor procul,