Scholia in Euripidis Phoenissas (scholia vetera et scholia recentiora Thomae Magistri, Triclinii, Moschopuli et anonyma)

702.

συνῆψα

: ἡνίκα συνέτυχον. A. M. Ἄλλως. εἰσελθὼν εἰς λόγους τῷ Πολυνείκει πολὺ εὗρον ἀτελεῖς τὰς διαλλαγὰς ἡμῶν. ἢ οὕτω· πολλῷ λειπομένας τὰς συμβολὰς εἰς τὸ γενέσθαι, δοκῶν διαλλάττεσθαι πρὸς τὸν Πολυνείκην, ὥστε ὑπολείπεσθαι τὸ πολεμεῖν. A. M. συνάπτω ἕτερον ἑτέρῳ καὶ συνάπτω ἐγώ τινι, ἤγουν ἑνοῦμαι, καθὸ λέγεται ἐνταῦθα. Gr. Cant.

703.

ἤκουσα μεῖζον

: ὑπὲρ τὰς Θήβας. οἷον, ἤκουσα αὐτὸν τὸν Πολυνείκην μειζόνως καταφρονεῖν τῶν Θηβῶν. M. ἤκουσα αὐτὸν φρονοῦντα μεῖζον ἢ κατὰ δύναμιν Θηβῶν ἐπὶ τῇ συγγενείᾳ τοῦ Ἀδράστου καὶ τῷ στρατῷ θαρροῦντα. I.