Fall of Troy

Quintus Smyrnaeus

Quintus Smyrnaeus. Fall of Troy. Way, Arthur S., editor. London: W. Heinemann; New York: The Macmillan Co., 1913.

  1. νῆας ἐπὶ σφετέρας· ἀλλὰ μνησώμεθα πάντες
  2. ὑσμίνης ὀλοῆς, ἧς παιδόθεν ἴδμονές εἰμεν.
  3. ὣς φάτο· τοὶ δʼ ἐπόρουσαν ἀολλέες Ἀργείοισιν·
  4. οἱ δὲ μέγα τρομέοντες ἀπʼ ἀργαλέοιο κυδοιμοῦ
  5. φεῦγον· τοὶ δʼ ἐφέποντο κύνες ὣς ἀργιόδοντες
  6. κεμμάσιν ἀγροτέρῃσιν ἀνʼ ἄγκεα μακρὰ καὶ ὕλην.
  7. πολλοὺς δʼ ἐν κονίῃσι βάλον μάλα περ μεμαῶτας
  8. ἐκφυγέειν ὀλοοῖο φόνου στονόεσσαν ὁμοκλήν.
  9. Εὐρύπυλος μὲν ἔπεφνεν ἀμύμονα Βουκολίωνα
  10. νῆσόν τε Χρόμιόν τε καὶ Ἄντιφον· οἱ δὲ Μυκήνην
  11. ᾤκεον εὐκτέανον, τοὶ δʼ ἐν Λακεδαίμονι ναῖον·
  12. τοὺς ἄρʼ ὅ γʼ ἐξενάριξεν ἀριγνώτους περ ἐόντας.
  13. ἐκ δʼ ἄρα πληθύος εἷλεν ἀάσπετα φῦλʼ ἀνθρώπων
  14. ὅσσα μοι οὐ σθένος ἐστὶ λιλαιομένῳ περ ἀεῖσαι,
  15. οὐδʼ εἴ μοι στέρνοισι σιδήρεον ἦτορ ἐνείη.