Dionysiaca

Nonnus of Panopolis

Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.

  1. δέπμα φέρων ἐλάφοιο· γυναιμανέος δὲ φορῆος
  2. λαιῷ ποικιλόνωτος ἐσείετο νεβρὶς ἀγοστῷ.
  3. γαῖα δὲ πᾶσα γέλασσε, καὶ αὐτοφύτοισι πετήλοις
  4. ὄρχατος ἀμπελόεις Σεμέλης περιδέδρομεν εὐνήν,
  5. καὶ δροσεροῦ λειμῶνος ἀνέβρυον ἄνθεα τοῖχοι
  6. ἀμφὶ γονῇ Βρομίοιο, καὶ ἀννεφέλων ἐπὶ λέκτρων
  7. βρονταίοις πατάγοισιν ἐπέκτυπεν ἐνδόμυχος Ζεὺς
  8. τύμπανα νυκτελίοιο προθεσπίζων Διονύσου.
  9. καὶ Σεμέλην μετὰ λέκτρα φίλῳ προσπτύξατο μύθῳ