Fabulae

Δελφῖνες καὶ φάλαιναι πρὸς ἀλλήλους ἐμάχοντο. Ἐπὶ πολὺ δὲ τῆς διαφορᾶς σφοδρυνομένης, κωβιὸς ἀνέδυ (ἐστὶ δὲ οὖτος μικρὸς ἰχθὺς) καὶ ἐπειρᾶτο αὐτοὺς διαλύειν. Εἶς δέ τις τῶν δελφίνων ὑποτυχὼν ἔφη πρὸς αὐτόν· Ἀλλ᾽ ἡμῖν ἀνεκτότερόν ἐστι μαχομένους ὑπ᾽ ἀλλήλων διαφθαρῆναι ἢ σοῦ διαλλακτοῦ τυχεῖν.

Οὕτως ἔνιοι τῶν ἀνθρώπων οὐδενὸς ἄξιοι ὄντες, ὅταν ταραχῆς λάβωνται, δοκοῦσί τινες εἶναι.