Eumenides

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. πόνον: μολὼν δὲ Παλλάδος[*](παλλάδος ad finem v. traiectum M, restituendum indicat (A et B suprascr.) m) ποτὶ πτόλιν
  2. ἵζου παλαιὸν ἄγκαθεν λαβὼν βρέτας.
  3. κἀκεῖ δικαστὰς τῶνδε καὶ θελκτηρίους
  4. μύθους ἔχοντες μηχανὰς εὑρήσομεν,
  5. ὥστ᾽ ἐς τὸ πᾶν σε τῶνδ᾽ ἀπαλλάξαι πόνων.
  6. καὶ γὰρ κτανεῖν σ᾽ ἔπεισα μητρῷον δέμας.