Ecclesiazusae

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. ἢν δʼ ἐγκαθεζώμεσθα πρότεραι, λήσομεν
  2. ξυστειλάμεναι θαἰμάτια· τὸν πώγωνά τε
  3. ὅταν καθῶμεν ὃν περιδησόμεσθʼ ἐκεῖ,
  4. τίς οὐκ ἂν ἡμᾶς ἄνδρας ἡγήσαιθʼ ὁρῶν;
Γυνὴ Α
  1. Ἀγύρριος γοῦν τὸν Προνόμου πώγωνʼ ἔχων
  2. λέληθε· καίτοι πρότερον ἦν οὗτος γυνή·
  3. νυνὶ δʼ, ὁρᾷς, πράττει τὰ μέγιστʼ ἐν τῇ πόλει.
Πραξάγορα
  1. τούτου γε τοίνυν τὴν ἐπιοῦσαν ἡμέραν
  2. τόλμημα τολμῶμεν τοσοῦτον οὕνεκα,
  3. ἤν πως παραλαβεῖν τῆς πόλεως τὰ πράγματα
  4. δυνώμεθʼ, ὥστʼ ἀγαθόν τι πρᾶξαι τὴν πόλιν·