History of the Peloponnesian War

Confestim igitur Agis, eorum rex, hac hieme cum copiis nonnullis ex Decelea profectus, pecuniam a sociis ad classem comparandam exegit, et ad Meliacum sinum deflectens ob vetustas inimicitias abactis GEtaeorum plerisque pecoribus pecuniam collegit, et Achaeos Phthiotas, celerosque populos, qui Thessalorum imperio in illa regione parebant, conquerenlibus et invitis Thessalis, obsides aliquot ac pecuniam dare coegit; et obsides Corinthi deposuit, et illos in societatem adducere conabatur.

Lacedaemonii vero centum naves aedificandas sociis civitatibus imperabant; atque sibi quidem ipsis ac Boeotis quinas et vi£enas utrisque faciendas assignarunt, Phocensibus vero et Locris quindecim, et Corinthiis quindecim, Arcadibus et Pellenensibus et Sicyoniis decem, Megarensibus et Troezeniis et Epidauriis et Hermionensibus decem; et cetera quoque comparabant, ut statim sub veris initium strenue bellum gesturi.

Comparabant autem Athenienses quoque, quemadmodum constituerant, in eadem hac hieme navium confectionem, materia comportata et Sunio munito, ut naves, quae commeatum sibi subveherent, tuto circ mveherentur; item-que munitione etiam in agro Laconico deserta, quam in Si· ciliam trajicientes exstruxerant, ceterisque rebus, steubi aliqua impensa videtur inutilis esse, in parsimoniam compositis, r.iaxime vero cura de sociis suscepta, ne a se deficerent.

Dum autem haec utrique agunt, et in bello parando versantur plane ut si tunc primum id inciperent, primi Eu-boenses ad Agin legatos de defectione ab Atheniensibus facienda miserunt in hac hieme. Ille vero quum eorum orationem admisisset, arcessit Lacedacmone Alcamenem, Sthenelaidae filium, et Melanthum, tamquam praefectos, qui in Euboeam mitterentur; illi vero cum trecentis libertis in civitatem nuper adseriptis venerunt, et Agis transitum iis praeparabat.