History of the Peloponnesian War

Thucydides

Historia Belli Peloponnesiaci. Haase, Friedrich, translator. Paris: Firmin Didot, 1869.

Eadem aestate illi etiam Athenienses, qui ad Miletum cnm viginti navibus apud Ladam stationem habebant, copiis in terram expositis ad Panormum, agri Milesii oppidum, et Chalcideum Lacedaemonium ducem cum paucis occurrentem interfecerunt, et tertio post die digressi tropaeum erexerunt, quod Milesii sustulerunt, ut ab illis erectam, qui agrum in suam potestatem nequaquam redegissent;

339

et Leon et Diomedon cum Atheniensium navibus, quas ex Lesbo secum duxerant, ex (Enussis insulis Chio adjacentibus et ex Sidussa et Pteleo, quas urbes in agro Erythraeo obtinebant, atque ex Lesbo proficiscentes, ex navibus bellum adversus Chios administrabant; liabebant autem milites navales e gravi ipsorum civium armatura assumptos et ad hanc militiam coactos.

Et ad Cardamylam expositis in terram copiis, et ad Bolissum quum Chios sibi obviam progressos proelio vicissent multosque cecidissent, oppida in hac parte sita everterunt, et ad Phanas rursus altero proelio vicerunt, et tertio ad Leuconium. Postea vero Chii quidem jam adversus Athenienses non amplius prodire audebant, illi vero regionem egregie instructam, et a bello Medico ad id usque tempus illaesam, diripuerunt.