History of the Peloponnesian War

Lacedaemoniorum vero civitas, quum propter haec omnia fiduciam concipiebat, tum vero praecipue, quod Siculi socii jam necessario cum magnis copiis, classis accessione facta, ineunte statim vere, ut erat verisimile, sibi praesto futuri essent.

Itaque, quum undique bonam spem haberent, abjecta omni cunctatione bellum capessere statuebant, reputantes secum, si hoc bellum felicem exitum habuisset, scin posterum et hujusmodi periculis liberatos fore, cujusmodi fuisset et illud, quod sibi ab Atheniensibus creatum fuisset, si res Siculas in suam potestatem redegissent; et illis eversis futurum, ut ipsi totius Graeciae imperium tuto jam obtinerent.

Confestim igitur Agis, eorum rex, hac hieme cum copiis nonnullis ex Decelea profectus, pecuniam a sociis ad classem comparandam exegit, et ad Meliacum sinum deflectens ob vetustas inimicitias abactis GEtaeorum plerisque pecoribus pecuniam collegit, et Achaeos Phthiotas, celerosque populos, qui Thessalorum imperio in illa regione parebant, conquerenlibus et invitis Thessalis, obsides aliquot ac pecuniam dare coegit; et obsides Corinthi deposuit, et illos in societatem adducere conabatur.

Lacedaemonii vero centum naves aedificandas sociis civitatibus imperabant; atque sibi quidem ipsis ac Boeotis quinas et vi£enas utrisque faciendas assignarunt, Phocensibus vero et Locris quindecim, et Corinthiis quindecim, Arcadibus et Pellenensibus et Sicyoniis decem, Megarensibus et Troezeniis et Epidauriis et Hermionensibus decem; et cetera quoque comparabant, ut statim sub veris initium strenue bellum gesturi.

Comparabant autem Athenienses quoque, quemadmodum constituerant, in eadem hac hieme navium confectionem, materia comportata et Sunio munito, ut naves, quae commeatum sibi subveherent, tuto circ mveherentur; item-que munitione etiam in agro Laconico deserta, quam in Si· ciliam trajicientes exstruxerant, ceterisque rebus, steubi aliqua impensa videtur inutilis esse, in parsimoniam compositis, r.iaxime vero cura de sociis suscepta, ne a se deficerent.