History of the Peloponnesian War

Lacedaemoniis autem primo quidem nunciatum erat, naves solvisse ab Isthmo, (Alcameni enim ab ephoris imperatum erat, ut, quum hoc fieret, equitem mitteret); et statim quinque naves, quas ipsi praebebant, et Chalcideum ducem, et Alcibiadem cum eo mittere volebant; deinde vero, jam iis rem urgentibus, allatus est nuntius de navibus, quae in Piraeum fuga se receperant; quamobrem animis consternati, quod in ipso initio Ionici belli offendissent, naves e suo paratas non jam volebant mittere, imo etiam nonnullas, quae jam discesserant, revocare.

Quod quum intellexisset Alcibiades, persuadet rur· sus Endio ceterisque ephoris, ne per metum a classe mittenda desisterent, dicens, se prius illuc venturos, quam Chii classis cladem sentirent, et se, ubi ad Ioniam appulisset, fecile civitatibus persuasurum, ut deficerent, et Atheniensium imbecillitatem commemorando et Lacedaemoniorum studium; majorem enim sibi, quam aliis, fidem habitum iri.

Et ipsi Endio privatim dicebat, praech-ni m fore, si per ipsum et Ionia deficeret, et regis societas

Lacedaemoniis conciliaretur, nec Agidis liaec certaminis gloria esset; Agidi enim ipse erat inimicus.

Hic Igitur quum et ceteris ephoris et Endio rem persuasisset» solvebat cum quinque navibus et Cbalcideo Lacedaemonio, et celeri* tate adhibita navigationis cursum faciebant.

Redibant autem per hoc idem tempus etiam ex Sicilia sexdecim illae Peloponnesiorum naves, quae duce Gylippo una cum Syracusanis debellaverant, atque circa Leucadiam deprehensae etafllictae a septem et viginti Atticis navibus, quibus praeerat Hippocles, Menippi filius, qui classis ex Sicilia redeuntis reditum observabat, praeter unam ceterae omnes elapsae sunt Atheniensibus et Corinthum appulerant.

Chalcideus autem et Alcibiades inter navigandum omnes, in quos incidissent, comprehendebant, ne navigatio palam fieret, et quum ad Corycum in continente situm appulissent, et illos hic dimisissent, ipsi quidem prius congressi cum nonnullis Chiorum, qui conjurationis erant socii, quum hi juberent re nulli prius declarata ad urbem navigare, ad Chios ex improviso advenerunt.

Et Chiorum quidem plebs admirabunda et attonita erat; optimates vero operam dederant, ut tunc ipsum senatus cogeretur, et quum agi coeptum esset a Chalcideo et Alcibiade, affirmantibus multas alias naves adventare, nec ullam de navium apud Pineum obsidione mentionem fecissent, Cbii et mox Erythraei ab Atheniensibus deficiunt.