History of the Peloponnesian War

Quamobrem etiam tunc praecipue primum classiariorum militum jactura facta est; nam quum et aqua rara uterentur neque ea e loco propinquo, et simul quoties lignatum nautae prodirent, ab equitatu Syracusanorum, qui terram obtinebat, plerique interlidebantur; tertia enim equitatus pars a Syracusanis ad oppidulum, quod est in Olympieo, collocata erat propter illos, qui erant in Plemyrio, ne ad agrum maleficiis infestandum prodirent.

Praeterea Nicias reliquas etiam Corinthiorum naves adventare audiebat; quare viginti naves custodiae causa misit quibus mandatum erat, ut circa Locros et Khegium et loca, per quae accessus ad Siciliam patebat, illis insidiarentur.

Gylippus vero simul et murum, quem per Epipolas ducebat, exstruebat, utens lapidibus, quos Athenienses fn usum suum aggesserant, simul et Syracusanos sociosque inadem extra munitionem producebat; et Athenienses aciem illis oppositam instruebant.

Postquam autem Gylippo tempus opportunum adesse visum est, prior impetum dabat , et quum ad manus venissent, pugnabant in eo spatio, quod inter munitiones erat, ubi equitatus Syracusanorum nullus usus erat.

Et quum Syracusani et socii victi essent, svorumque cadavera fide publica interposita sustulissent, et Athenienses tropaeum erexissent, Gylippus convocatis copiis non illarum, sed suam culpam fuisse dixit; se enim equitatus ac velitum usum ipsis eripuisse, quod nimis intra munitiones bcicm instruxisset; nunc autem sc rursus educturum.