History of the Peloponnesian War

Quum autem naves viris impletae essent omnia-que jam imposita, quae secum erant laturi, tuba silentium indictum est, et vota consueta ant§ profectionem non in singulis navibus, sed universi per praeconis vocem nuncupabant, et crateras miscentes secundum omnem exercitum et aureis argenteisque poculis omnes et navium defensores et duces libantes.

Simul autem vota faciebat et cetera turba, quae erat in terra et civium et si quis alius benevolus iis aderat. Quum autem paeana cecinissent et libationes peregissent, e portu solvebant et primo longa navium serie navigantes jam ad Aginam usque cursum certati m tenebant. Atque bi quidem Corcyram, quo et reliquus sociorum exercitus conveniebat, pervenire properabant.

Syracusas vero ex variis quidem locis nuntii de infesto hujus classis adventu [afferebantur, nec tamen diu quicquam eorum credebatur, sed etiam convocata concione hujusmodi sententiae dictae sunt quum ab aliis, quorum partim quidem credebant ea, quae de Atheniensium expeditione nuntiabantur, partim contraria dicebant, lum etiam Hermocrates Hermonis filius in medium progressus, quippe qui sibi videretur accurate scire, quae de illis rebus ferebantur, dicebat et suadebat haec :

« incredibilia quidem, quemadmodum et alii nonnulli, fortasse et ego apud vos dicere videbor de eo, iium certus sit classis hostilis adventus, et probe novi, cos, qui vel dicunt vel nuntiant res, quae fide non digna habentur, non solum non persuadere, verum etiam amentes videri; nihilominus tamen, quum reipublicae periculum impendeat, non idcirco deterritus me continebo, quia mihi persuadeo me sdre aliquid exploratius dicere, quam quemvis alium.

Athenienses enim adversus nos, quod vehementer admiramini, cum ingenti exercitu et navali et pedestri venire tendunt, hoc quidem praetextu, ut Egestois sociis auxilium ferant, et Leontinos in suas sedes restituant, sed revera Siciliae, praecipue vero nostrae urbis cupiditate, existimantes, si hanc obtineant, se cetera etiam facile obtenturos.

Quoniam igitur propediem huc sunt appulsuri , videte, qua ratione pro viribus eos rectissime propulsare possitis, et neque per hostium contemptionem, imparati opprimi, neque nuntiis fidem non habentes rerum summam negligere.