History of the Peloponnesian War

Ac praelium quidem istud hujusmodi fuit, et quam proxime ad haec accedens, et maximum omnium, quae inter Graecos jam a longissimo tempore gesta sunt, et in quo maximi nominis civitates inter se concurrerunt.

Lacedaemonii vero, caesorum hostium armis in conspicuo loco positis tropaeum statim erigebant ipsaque cadavera spoliabant, suorumque sustulerunt et ad Tegeam absportarunt, ubi sepulta sunt, hosliumque cadavera fide publica interposita reddiderunt.

Occubuerunt autem ex Argivis quidem et Orneatis et Cleonaeis septingenti, ex Mantineis Tero ducenti, totidem etiam ex Atheniensibus cum ^Eginetis, et uterque dux. Lacedaemoniorum vero socii ab hoste non adeo pressi erant, ut eorum numerus aliquis memoratu dignus desideraretur; ex ipsis vero difficile quidem erat verum cognoscere, dicebantur tamen ad trecentos obiisse. .

Ceterum quum proelium jam instaret, Plistoanax etiam regum alter cum senioribus ac junioribus subsidio suis ivit, et ad Tegeam quidem usque profectus est; sed quum victoriam audisset, rediit.

Item Lacedaemonii auxilia et e Corintho et ab sociis, qui extra Isthmum erant, venientia per nuntios remiserunt, ipsique reversi, sociis dimissis, quum Carneorum tempus apud ipsos tunc erat, dies festos agebant.

Atque hoc uno praelio deleverunt infamiae notam sibi a Graecis tunc inustam, quum ignaviae nomine, propter cladem in insula Sphacteria acceptam, tnm etiam prqpter consilii inopiam et tarditalem aliis in rebus demonstratam, quum fortunae quidem iniquitate, ut videbantur, male rem gererent, animo vero Udem aahuc essent.