History of the Peloponnesian War

Post haec Athenienses quidem ex colloquio discesserunt; Melii vero quum soli remansissent, postquam ipsis eadem, atque contra dixerant, visa sunt, haec responderunt.

« Neque alia nobis quam initio videntur, Athenienses, neque brevi temporis spatio urbi, quae jam per septingentos annos habitatur, libertatem eripiemus, sed et fortuna, quae divinitus eam nuc usque conservavit, et auxiliis hominum Lacedaemoniorumque freti, nostram salutem tueri conabimur.