History of the Peloponnesian War

Insequente autem aestate induciae in spatium annuum ad Pythia usque factae solutae erant, ac per illud induciarum tempus Athenienses e Delo Delios summo ver unt, quod existimarunt, eos quum ob quoddam vetus piaculi crimen polluti essent, deo esse consecratos, et simul hanc sibi deesse partem expiationis, qua a me superius est declaratum ut sublatis defunctorum monumentis se recte fecisse censuerint. Atque Delii quidem Atramyttium in Asia situm, quod Pharnaces iis dedit, incoluerunt, prout quisque se eo conferre voluerat. ^

Cleo vero post exactas inducias quum rem Atheniensibus persuasisset, in Thraciam navigavit, secum ducens mille et ducentos gravis armaturae milites Athenienses et trecentos equites, et ex sociis longe plures, naves autem triginta.

Qui quum primum ad Scionen appulisset, quae adhuc obsidebatur, et quum illinc gravis armaturae milites ex praesidiariis assumpsisset, iu Colophonioruro portum, a Toronaeorum urbe non multum distantem, navigavit.

Quum autem illic intellexisset ex transfugis, neque Brasidam Toronae esse, neque eos, qui intus erant, ad resistendum pares esse, cum exercitu quidem pedestri ad urbem contendit, naves vero decem circummisit, ut in Torones portum circumveherentur.

Ac primum quidem venit ad munitionem, quam Brasidas urbi circumdederat, quod suburbana includere vellet, et diruta veleris muri parte unam urbem effecerat.

Quum autem Athenienses eam adorti essent, Pasite-lidas Lacedaemonius dux et praesidium, quod illic aderat, ei succurrens, hostibus resistebant Sed quum vi urgerentur, et simul naves, quae circummissae erant, in portum circumveherentur, Pasitelidas veritus, ne naves urbem desertam praeoccuparent, et munitione capta ipse interciperetur, ea relicta cursu ad urbem contendit.

Sed antevertunt eum Athenienses et ii, qui navibus vehebantur, Torone praeoccupata, et peditatus cum vociferatione e vestigio insecutus, et simul irrumpens per illam veteris muri partem, quae diruta erat. Et Peloponnesios quidem ac Toronaeos, qui repugnabant, statim interfecerunt, alios ?ero vivos ceperunt, inter quos et Pasitelidam ducem.