History of the Peloponnesian War

Templum quoque Junonis eadem aestate Argis crematum est, quod Chrysis sacerdos lucernam quandam vittis admovisset incensam, et interira somno correpta esset; unde accidit, ut ea non sen-tiente omnia accensa conflagrarent

Atque Chrysis quidem metuens Argivos protinus illa nocte Phliuntem confugit; illi vero aliam sacerdotem, nomine Phaenidem, ex civitatis instituto constituerunt. Chrysis autem octavum hujus belli annum, et nonum medium attigerat, quum profugit

Et Scione aestate jam extrema penitus circumvallata erat, et Athenienses praesidio adversus eam relicto cum reliquis copiis domum abierunt

In sequente hieme Athenienses quidem et Lacedaemonii quieverunt propter inducias; sed Manlineoses et Tegeatae et ulrorumque socii ad Laodicium, quae est in Oreslhide, conflixerunt, et victoria anceps exstitit, ntrique enim cornu sibi opposito in fugam verso tropaeum erexerunt, et Delphos spolia miserunt

Quum tamen utrinque multi caesi essent, et eventus anceps fuisset noxque proelium diremisset, Tegeatae quidem in loco pernoctarunt, statimque tropaeum excitarunt, Mantinenses vero ad Buco-lionem discesserunt, et postea vicissim et ipsi tropaeum statuerunt.

Eadem hieme exeunte et vere jam appropin-quante, Brasidas Potidaeam temptavit. Quum enim noctu accessisset et scalam muris admovisset, hactenus quidem custodes latuit; quum enim tintinnabulum praeteriisset, ita demum ad vacuum murorum spatinm inter duas stationes interjectum, antequam ille, qui tintinnabulum alteri traditurus erat, rediisset, scalae admotae sunt, deinde tamen quum custodes statim strepitum sensissent, priusquam ac cederet, exercitum celeriter retro reduxit, nec exspectavit, donec dies illucesceret.